Super-celular me kapak nga Japonia

Përkundër asaj që edhe në tregun tonë tani ka celularë të avancuar, nuk është keq që kohë pas kohe të përkujtojmë se Lindja e largët me disa gjëra në këtë fushë ende janë para nesh. Një shembull i mirë për këtë është modeli i ri i celularit të kompanisë Casio.

Casio Exilim W63CA është celualr me kapak dhe ekran të madh 3.1-inçësh OLED, me rezolucion 480 x 800 piksela. Me dizajn na përkujton një fotoaparat të vogël e madje edhe kamerë, e është e qartë edhe pse: kamera e integruar në të është me rezolucion prej 8.1 megapiksela, ka objektiv me kënd të gjerë, auto-fokus, teknologjinë e njohjes së fytyrave, derisa ai mund të incizojë video në kualitetin VGA kualiteti me 30 fps (korniza për sekondë) në kartelat microSD.

Detajet tjera nuk janë të njohur, mirëpo nëse mund të gjykohet sipas kamerës së integruar në, mund të supozohet se W63CA do të ketë të gjitha teknologjitë relevante të cilat integrohen në celularët e klasës së lartë.

Në treg, fatkeqësisht, vetëm në atë japonez, pritet të del në nëntor të këtij viti.