Emrin Aquos e mbajnë ekranet më kualitativ të prodhuesit Sharp. Prodhuesi i njëjtë ka lëshuar celularin Aquos, që na bën të kuptojmë se ekrani do të jetë komponenti tij më mbresëlënës.Sharp e Softbank kanë paraqitur telefonin me emër të plotë Aquos Fulltouch 931SH.
Bëhet fjalë për një pajisje rrëshqitëse të pajisur me ekranin e Sharp-it me rezolucion 1024 x 480 piksela dhe diagonale prej 38 inç. Rezolucioni i këtij ekrani është vetëm diç më i vogël sesa ai që gjendet nëpër laptopë. Padyshim që shfletimi i faqeve të internetit, fotografive dhe video materialeve në këtë telefon do të jetë kënaqësi e vërtetë.
Pos ekranit nuk janë aspak më të këqija as specifikat tjera të këtij celulari 3G dhe ai vjen i pajisur me adapterin stereo Bluetooth, kamerën stabilizuese digjitale të rezolucionit 5.2 megapiksela dhe me TV tunner.
Për fat të keq, ai ka një mangësi shumë të madhe, e ajo është se do të prodhohet dhe shitet ekskluzivisht për tregun japonez.
Sun Nov 02, 2008 8:53 pm